Ministri në detyre i Punës dhe Mirëqenies Sociale. Arban Abrashi, i është përgjigjur përmes një postimi në Facebook kryetarit të PDK-së, Kadri Veselit.

Veseli sot e nisi ditën me një vizitë tek pensionerët, duke iu premtuar rritje të pensionit deri 200 euro.

Por Abrashi u lajmërua menjëherë me një pëergjigje, duke thënë se do të themelohet Fondin Pensional, që garanton rritjen e pensionit deri në 280 euro.

Ky është postimi i plotë i Abrashit:

Mirënjohje nga Lidhja e Pensionistëve të Kosovës

Në Kuvendin e Punës së Lidhjes së Pensionistëve të Kosovës, para disa ditëve, u nderova me mirënjohje për arritjet e përbashkëta me pensionistët, për ngritjen e pensioneve, kategorizimin e tyre e pastrimin e listave.

Ky është një vlerësim tejet i çmuar që më bëhet nga një komunitet njerëzish, për të cilët shpesh harrohet se kanë kontribuar dhe e kanë ndërtuar këtë vend.

Në mandatin e ardhshëm do të themelojmë Fondin Pensional, që garanton rritjen e pensionit bazik dhe pensioni kontributdhënëse deri në 280 euro.

Ju faleminderit shumë